Një tjetër lajm për modelen bukuroshe është ai i ndërhyrjes plastike që ka bërë në gjoks. Enxhi Kamenica, modelja që mori famë pas hyrjes në “Big Brother” si e infiltruar ka shtuar masën e gjoksit dhe këtë e ka bërë ekskluzivisht për emisionin që mikesha e saj e ngushte, Aurela Hoxha nis se shpejti.

Eshte nje program ne qender te secilit do te qendrojne nderhyrjet plastike qe bejne personazhe te njohur, te gjitha keto nen vezhgimin e kamerave. Gjoksi i ri, i rritur ne permasa i shkon shume Enxhit, dhe permbush imazhin e nje vajze seksi. Bluetooth

Modelja Anxhela Martini ka shfrytëzuar rastin që në profilin e saj në Twitter tu bëjë leksion meshkujve. Aty ajo shkruan se “natyra dhe feminiteti janë të pandashme, kjo e ndryshon të gjithë perceptimin mbi femrat.

Këshilla për meshkujt: një femër është si natyra, ajo është natyra dhe është natyrale. Nëse nuk përshtateni me natyrën nuk keni si të përshtateni me femrën.

Soni Malaj dhe Mirko Luçarelli janë bërë gjatë mëngjesit ( ora 5: 00) të djeshëm ( e premte) prindër të një vajze shumë të bukur.

Këngëtarja e suksesshme shqiptare, e cila prej dy vitesh jeton në Spanjë me bashkëshortin, balerinin italian Mirko. Vajza e Sonit do te quhet ANA, emrin e vajzes e ka bere vete publike Soni gjate nje interviste per Bluetooth.

Ky është momenti i tyre dhe për këtë nuk ka mjaftuar vetëm bashkëpunimi e realizimi i hiteve muzikore, për të cilat janë komentuar gjatë gjithë kësaj periudhe. Por këto vitet e fundit, që kur Flori mori në menaxhim këngëtaren Elvana Gjata, komentet se pas këtij bashkëpunimi të fortë patjetër fshihej diçka më shumë, natyrisht që edhe u ka shërbyer dy këngëtarëve për karrierën e tyre.

Dihet që në publik shkaktojnë impakt lidhje të tilla, sidomos kur një dyshe artistësh si e tyrja fansat e shohin si interesante. Dhe ja ku janë Flori Mumajesi dhe Elvana Gjata në një “love story”, që nuk kanë pse ta fshehin më. Të dy kanë statuset “single”, pasi u kanë dhënë fund lidhjeve të mëparshme dhe tashmë kalojnë 24 orë në 24 bashkë. Flori, krijues i shumë këngëve “hit-e” në këto vitet e fundit, pasi ka investuar mirë për emrin e tij, tashmë po i dedikohet së pari vetëm Elvanës. Ata kanë një axhendë të mirëmenduar koncertesh, dhe viti 2011 ishte viti kur ata shkelën Kanadanë e Nju Jorkun, në koncertet e tyre shumë fitimprurëse.

Në momentet e pushimit dhe relaksit, dy këngëtarët duke menduar se janë shumë larg Shqipërisë ku mund të komentohen për afrimitetin, sjelljet e tyre me njëri-tjetrin, atje janë ndier të lirë duke mos u kursyer në shkëmbimin e gjesteve të dashurisë.

Pas një pauze të gjatë në ekranet shqiptare, Elvana Gjata u shfaq në Toronto (Kanada) në mesin e nëntorit me pamje krejtësisht të transformuar, aq sa u hodh ideja se ajo kishte bërë disa ndërhyrje plastike në pamjen e saj, ndërsa për modelin e flokëve dukej origjinal si Beyonce.

Këngëtarja ishte e  ftuar së bashku me Flori Mumajesin dhe Andy Gramm për të mbajtur një koncert në club-in “Maro Super Club”, koncert ky i organizuar nga “MODO Productions”. Gjatë mbajtjes së këtij koncerti, ku kanë qenë afër 1 mijë veta të pranishëm, Elvana dhe Flori në momente pushimi apo jashtë koncertit nuk i kanë kursyer sjelljet intime me njëri-tjetrin, duke lënë përshtypjen e një çifti të dashuruarish, më shumë sesa të një këngëtareje me kolegun apo menaxherin e saj. Gjatë atij koncerti u realizuan shumë foto, që fiksuan dhe ekzaltimin e publikut ndërsa ndiqnin koncertin e tyre të shumëpritur, ku Elvana prezantohej me look krejt të ndryshuar. Gjatë koncertit, këngëtarja performoi këngë vetëm, por edhe me Florin, për disa orë. Elvana dhe Flori ishin të parët këngëtarë shqiptarë të ftuar nga kjo kompani, e cila ka shtrirë tashmë aktivitetin edhe në Shqipëri. Por kjo ishte aventura e tyre e parë shumë larg Shqipërisë, ku çifti u ndie i lirë të shfaqej ashtu siç janë në të vërtetë, një çift të dashuruarish.

Ndërkohë që nuk dihet përse ata të dy preferojnë ta mbajnë gjithmonë e më shumë të fshehtë në sytë e medias shqiptare këtë lidhje të tyre. Udhëtimi i dytë i gjatë, që mund të cilësohet edhe punë edhe qejf, për ta ishte ai drejt Nju Jorkut, që në faqet e gazetave u komentua si një projekt që po detyronte çiftin të linte pushimet e fundvitit për një koncert në Shtetet e Bashkuara të Amerikës.

Ndërkohë që nga persona që kanë qenë të pranishëm, ky udhëtim i tyre do të komentohej si një aventurë e vërtetë dashurie. Elvana dhe Flori, deri tani të komentuar si “dyshja më e famshme në trojet shqiptare”, nuk kanë pushuar për as një moment gjatë vitit 2011 duke sjellë hit pas hiti për publikun shqiptar, dhe duke u ndier të favorizuarit e koncerteve jashtë vendit. Dhe prapë u ka mbërritur kjo ftesë e bukur për Krishtlindje. Elvana sapo kishte  përfunduar xhirimet e videos për këngën “Gjaku im”, ndërkohë që në të njëjtën kohë edhe Flori hodhi në treg videon e tij të re për këngën “S’të mbaj inat”, një bashkëpunim ky me Labinot Tahirin. Këngëtarët performuan në Nju Jork, së bashku me Andy Gramm. Koncerti u organizua nga “Dukagjini Production” dhe u mbajt në “Highline Ballroom” (431 West 16 st Manhattan), një koncert fill pas atij të mbajtur në Kanada. Çifti atje ka shëtitur vendet më të bukura të Nju Jorkut dhe ka realizuar foto të ndryshme me njëri-tjetrin, që dëshmojnë qartë afeksionin e tyre.

Nuk dihet se si do jetë viti 2012 për Florin dhe Elvanën. Nëse do të jenë të preferuarit e menaxherëve sërish, dhe nëse do të hedhin një hap më shumë në marrëdhënien që kanë me njëri-tjetrin. Gjithsesi, për ta viti 2011 ishte një vit me shumë shkëlqim dhe mbresa. Nga një anketë e realizuar në Kosovë në dhjetor, me mendimin e vetë këngëtarëve, ata ishin dy emrat që u përmendën më shumë herë për hitet e tyre nga kolegët.

Ndërkohë që si këngëtarët më ‘in” për momentin në trojet shqiptare e më gjerë, Flori dhe Elvana nuk mund të mungonin në këngën “Jemi një”, video e realizuar nga “Klan Kosova”, me pjesëmarrjen e Yllkës, Teutës, Lyrical Son, Julkës, Vedatit dhe Vesa Lumës. E në fund të fundit, ajo që ka më shumë vlerë është paraja, dhe ndoshta për hir të kësaj lidhjeje simpatike, çmimi i tyre për koncerte jashtë tashmë ka kapur shifrën 5 mijë euro.

PanoramaPlus

Dy femrat e njohura të ekranit, supermodelja Zana Krasniqi dhe këngëtarja e njohur Kaltrina Selimi, kanë vendosur që të sjellin dashurinë e tyre në qytetin e Prishtinës.

Për Zanën kanë qenë vetëm disa ditë pushimi në Kosovë ku ka vendosur që të festojë me të dashurin e saj Fisnikun, ndërsa këngëtarja Kaltrina Selimi definitivisht do të bashkëjetojë me të fejuarin e saj në Prishtinë, pasi Dritoni  është larguar përfundimisht nga Londra.

I dashuri i Zanës do të udhëtojë përsëri drejt Londrës ku edhe punon, ndërsa Zana do të udhëtojë drejt Shteteve të Bashkuara për të përmbushur obligimet e saj si modele në kompaninë Wilhemina.

Në anën tjetër, Kaltrina edhe këtë vit do të vazhdojë të bashkëjetojë me Dritonin, pasi nuk ka vendosur ende për martesë.

PanoramaPlus

Orët e para të vitit 2012 modelen shqiptare Anxhela Martini e kanë gjetur të zhveshur.

Bukuroshja ka publikuar në faqen e saj personale ne FB një set fotosh, ku bien në sy imazhet provukuese, gjysmë e zhveshur teksa pozon para aparatit fotografik.

Ka gjasa që ky vit të jetë i mbarë për modelen, pasi siç edhe ka premtuar, sivjet pritet që të realizojë një sërë projektesh, të cilat do të finalizohen në pasarelat e emrave më të njohur të modës, por edhe me sete fotografike.

Jo gjithnjë personalitetet tona publike iu shmangen skandaleve. Skandalet të cilat i ka bërë estrada jonë gjatë vitit 2011 kanë qenë nga më të ndryshmet, mirëpo ajo që më së shumti i ka rënë në sy tërë opinionit dhe që ka tërhequr vëmendjen e të gjithëve ka qenë veshja gjysmëlakuriqe e këngëtarëve tona, të cilat përveç zërit që kanë interpretuar i kanë ekspozuar edhe pjesët e trupit.

Disa nga këngëtaret tona opsion të vetëm e kanë veshjen apo dukjen, e në radhë të dytë është këndimi për to. Të pakta janë ato që thonë se primare është zëri e më pas në radhë të dytë dukja. Në kuptimin e gjerë skandalet identifikohen në mënyra të ndryshme, ndonëse disa nga këngëtarët tanë nuk kanë hezituar t’i ekspozojnë disa skandale të cilat i kanë bërë me qëllim apo pa qëllim gjatë këtij viti, vetëm e vetëm për ta tërhequr vëmendjen e publikut.

Dhe publiku ka filluar vërtetë t’i dojë skandalet e tyre. Si top-skandali i këtij viti, mund të konsiderohet ai mes këngëtarëve Rozana Radi dhe Mc Kresha që kanë qenë të përfshirë në një skandal që citohet të jetë bërë pa qëllim të tyre ngase në ato çaste të dytë kanë qenë nën ndikimin e alkoolit. Kënga “Kiss me Rozy”, përveç skenave erotike ku presupozohet se ajo bën seks në dush ndoshta është dhe një frymëzim i një historie që ajo ka nisur me reperin Mc Kresha, i cili thuhet se e shoqëron në back vokal.

Dhe nuk ka qenë varg i shkruar kot pasi më 29 gusht në Himarë në një moment pushimi Rozi dhe Kresha janë larguar nga skena me nga një shishe birrë në dorë dhe në dalje të Pub-it, pak minuta nuk kanë ngurruar aspak që të shkëmbejnë prekje e puthje në prani të shumë pushuesve që ndodheshin aty.

Ata kanë vijuar me skena erotike duke u zhveshur aty, sa kanë detyruar të pranishmit që ndodheshin aty duke i shikuar të largoheshin një nga një. Sipas personave që kanë qenë të pranishëm, intimiteti i tyre i shfaqur në publik, nuk ka qenë thjesht me momente apo me gjeste të shkurtra përkëdheljesh, por me zhveshje dhe ekzagjerime, sa ata kanë dalë jashtë kontrollit, duke harruar se po i shihnin të tjerët. Madje nuk kanë qenë as gjeste dashurie, por më shumë ngjanin si skena filmash pornografikë, kanë komentuar të pranishmit.

Kur nxehet atmosfera

Një skandal tjetër që ka tronditur skenën muzikore dhe që ka tërhequr vëmendjen e publikut është edhe performanca e këngëtares Nora Istrefi në një koncert të saj në Kamenicë, ku ajo duket se është lodhur shumë gjatë atij koncerti sa që i kanë shpërthyer djersët në disa pjesë të trupit.

E veshur shumë seksi, me të brendshme ngjyrë kuqe, këngëtarja kishte filluar të djersitet në pjesët intime, gjë që është vërejtur nga publiku. Ajo është fotografuar në disa poza mjaft tërheqëse. Të pranishmit në klub kanë qenë të mahnitur nga kjo performancë e Norës, e cila kësaj radhe s’i ka kursyer për ta as pjesët e saj më intime.

Së fundi është përfshirë në disa situata jo të mira edhe këngëtarja Dafina Zeqiri e cila pas ndarjes nga i dashuri i saj Krenari, ka pasur një konflikt edhe me menaxherin e saj Drin Zatriqin me të cilin kanë shkëputur bashkëpunimin.

Mirëpo në këtë konflikt më pas është përfshirë edhe këngëtari Getoar Selimi i cili ka pasur në plan të realizojë videoklipin e këngës “D&G” në duet me Dafinën. Mirëpo me të prishur raportet në mes tyre, thuhet se ai ka refuzuar ta realizojë këtë videoklip.

Këngëtarja që po zhvillon karrierën e saj muzikore në SHBA dhe që po thyen tabutë tani pas lidhjes së saj me Rob Kardashian, i cili është vëllai i yllit Kim Kardashian, Rita Ora, së fundi është përfshirë në një skandal që duket ta ketë bërë me qëllim të ngritjes së saj në karrierë. Ajo ka postuar në llogarinë e saj në Twitter, duke thënë: “sapo bëra seks me të dashurin tim nën tingujt e një kënge të këngëtarit të saj të preferuar Bob Marley.

Duket se Rita vërtet ka vendosur që të përdorë të gjitha hilet e Hollivudit, me qëllim që të jetë në qendër të vëmendjes së publikut dhe kjo më së miri arrihet kur flitet për seksin dhe ajo mund të marrë këshilla mjaft të mira nga ‘kunata’ e saj, Kim Kardashian.

Skena muzikore është tronditur edhe nga disa skandale të cilat janë zhvilluar në disa festivale në të cilat disa nga këngëtarët tanë pjesëmarrës nuk janë ndarë të kënaqur. Vlen të ceket rasti i këngëtares Drenusha Latifi e cila pas konkurrimit në festivalin “Kënga Magjike” tërhiqet prapa duke mos marrë pjesë për shkak të shantazheve dhe keqpërdorimeve që bëhen në këtë festival.

Prapëseprapë, pa marrë parasysh natyrën e këtyre skandaleve të figurave tona të famshme, ato vetëm sa e rrisin namin e tyre në publik dhe bëhen gjithnjë e më të kërkuar. S’ka dyshim se ata kanë filluar t’i kopjojnë yjet botërorë, të cilët sa herë e shohin se karriera e tyre po e merr teposhtën dhe se publiku po e humb interesimin për ata, dalin me skandale të ndryshme dhe sërish janë ‘in’.

Gazeta Zeri

Gjatë vitit 2011 kanë qarkulluar thashetheme nga më të ndryshmet për personalitetet tona publike. Disa nga vip-at tanë janë prekur nga thashethemet e dëgjuara në opinion për veten e tyre dhe kategorikisht kanë gjetur metodën që të demantojnë për këto spekulime.

Cak i thashethemeve këtë vit ka qenë këngëtarja e re nga Maqedonia Adelina Tahiri, e cila shumë herë është përfolur nga një lidhje tek një lidhje tjetër. Fillimisht flitej se ajo ishte në lidhje me Lorik Canën, madje thuhet se ajo me t’u ndarë nga Loriku kishte lansuar këngën “Ti mos u kthe”, që kinse ia dedikoi atij personalisht.

Mirëpo këtë Adelina e kishte mohuar kategorikisht duke e quajtur vetëm spekulim. Pas Lorikut flitej se ajo nisi një lidhje me këngëtarin nga Shqipëria Seldi Qalliun, me të cilin u shoqërua në festivalin e “Këngës Magjike”. Mirëpo edhe këtë Adelina vazhdon ta mohojë duke e quajtur vetëm thashetheme.

Adelina gjatë ngjitjes në skenë në natën finale të “Këngës Magjike” është parë në krahë të një djaloshi të ri, të cilin as ajo thotë të mos e njohë pasi që ai kishte ndihmuar vetëm ngjitjen e saj në skenë dhe se nuk kishte të bënte fare me dashuri. Mirëpo në publik thuhej se ai ishte një i dashur i ri i saj.

Këto thashetheme si duket Adelinës i kanë sjellë mjaft fat, sepse ajo është ngritur mjaft shumë në karrierën e saj muzikore. E përfshirë në thashetheme gjatë këtij viti ka qenë edhe diva e skenës muzikore Adelina Ismaili, për të cilën thuhet se ka pasur një aferë dashurie në Paris.

Mirëpo ajo tani ka vendosur që mos të merret me thashetheme ngase është shumë e përkushtuar në depërtimin e saj në tregun botëror. Ajo gjatë qëndrimit të saj në Francë ka arritur të realizojë albumin e ri të titulluar “Best of Adelina” me këngë në gjuhën angleze ndërsa ka paralajmëruar se këngët do të jenë edhe në versionin shqip.

Ndërsa përveç albumit ajo ka lansuar edhe videoklipin “I Love You More” në bashkëpunim me Faudelin. Tani flitet se ajo do të realizojë edhe një projekt të ri me motrën e saj Zanfinën.

Bleona Qerretin nuk e lënë rehat as në Amerikë

Thashethemeve nuk u ka shpëtuar as këngëtarja Bleona Qerreti e cila karrierën e saj muzikore është duke e ushtruar në SHBA. Ka disa vite që ajo jeton me bashkëshortin e saj Ganiun, mirëpo para disa muajsh është thënë se ata janë ndarë.

Bleona me të dëgjuar lajmin ka mohuar kategorikisht duke thënë se ajo jeton me bashkëshortin dhe as që e ka ndërmend të ndahet. Pjesë e thashethemeve ka qenë edhe këngëtarja Gentiana Ismaili e cila pas ndarjes nga Miloti ende nuk ka takuar djaloshin e duhur për të. Është përfolur se ajo do të realizojë duete me Medën, Labinot Tahiri, të cilat rezultuan vetëm fjalë.

Veç kësaj Genta dhe Noizy kanë paralajmëruar një duet mes tyre por ende nuk kemi parë të punohet diçka në këtë drejtim. Çiljeta Xhilaga është një ndër këngëtaret më të përfolura në media dhe më të dëshiruarat njëkohësisht. Ajo deri më tani ka pasur shumë bashkëpunime muzikore të cilat kanë rezultate të suksesshme.

Për të pasur një efekt maksimal në prezantimin e saj, këngëtarja pritet së shpejti të ketë një bashkëpunim të nxehtë me reperin e njohur 2Po2. Ajo po e sprovon veten edhe në aktrim, ku ka realizuar edhe një rol të rëndësishëm në një film me metrazh të gjatë në Itali. Ndërsa sa i përket jetës private flitet se marrëdhënia e saj me Aleksandrin po shkon për mrekulli.

Edhe këngëtarja Rovena Stefa përfshihet nga thashetheme nga më të ndryshmet. Ajo tani më shumë kohë po kalon në Kosovë, ku është në përgatitje të projekteve të reja, mirëpo nuk mungon të flitet edhe për privatësinë e saj. Flitet se ajo tani është në lidhje me një djalë nga Kosova, prandaj janë edhe arsyet që ajo po jeton këtu.

Mirëpo Rovena vazhdon ta mohojë duke i quajtur këto vetëm spekulime. Edhe këngëtarja e re Ronela Hajati dhe Visar Aliu i grupit “Skills” kanë qenë të përfshirë në thashetheme. Ata për herë të parë performuan bashkë në “Kënga Magjike” ku flitej se aty lindi edhe dashuria mes tyre.

Mirëpo ata vazhdojnë ta mohojnë se në mes tyre s ka asgjë më shumë veçse shoqëri. Si do që të jetë, thashethemet janë pjesë e vip-ve jo vetëm atyre në Kosovë, por në mbarë botën dhe mund të themi lirish se në një farë mënyrë edhe ndikojnë në ngritjen e popullaritetit të tyre, por edhe e bëjnë më atraktive jetën dhe personalitetin e personave publik.

Gazeta Zeri

Viti 2011 shënoi ngritjen dhe rënien e shumë këngëtarëve tanë. Disa prej tyre arritën që të depërtojnë dukshëm në skenën muzikore, ku me këngët dhe videoklipet e tyre tërhoqën vëmendjen e shikuesve dhe arritën të rrëmbejnë zemra të shumë artdashësve.

Për fat të mirë më shumë numërojmë ngritje se sa rënie të këngëtarëve tanë të njohur të estradës. Janë disa nga këngëtarët e rinjë që arritën mjaftë shumë sukses me projektet e tyre muzikore dhe njëra ndër to është Dafina Zeqiri e cila gjatë këtij viti solli në treg disa këngë dhe videoklipe të cilat u bënë hite.

E sukseshme në këtë vit ishte edhe këngëtarja nga Maqedonia Adelina Tahiri e cila përveç projekteve të reja që solli tek adhuruesit e saj, për herë të parë performoi në festivalin “Kënga Magjike”, ku arriti të shpërblehet me çmimin “Magjia e parë”. Një ngritje mjaftë të madhe në vitin 2011 pati edhe reperi i njohur Mc Kresha, i cili me shumë bashkëpunime realizoi shumë hite të cilat ende vazhdojnë të pëlqehen në publik.

Konsiderohet se Mc Kresha është njëri ndër këngëtarët e rrallë të estradës sonë që vitin 2011 e kaloi me bashkëpunime të njëpasnjëshme që pati me këngëtarët tanë. Dhe ajo që është e rëndësishme për këtë këngëtarë, është fakti se çdo duet i tij bëri bujë në tregun muzikor.

E suksesshme gjatë këtij viti u tregua edhe këngëtarja e re Dafina Rexhepi e cila si duket ka fat në bashkëpunime. Ajo realizoi disa duete me Genc Prelvukajn, grupin Kaos etj, të cilat këngë e ngritën personalitetin e saj. Edhe këngëtarja e re dhe tërheqëse Adelina Berisha, ishte në top-formë gjatë këtij viti, ku ajo nuk pushoi së lansuari këngë të cilat sollën mjaftë sukses në publik.

Ndonëse edhe performanca e saj seksi në secilin videoklip asaj i solli mjaftë shumë adhurues, sidomos të gjinisë mashkullore. Djaloshi që theu rekordet në klikimet e tij në internet duke grumbullar me mijëra fansa është reperi nga Shqipëria Noizy, i cili 2011-tën po e shënon me mjaftë suksese.

Çdo këngë që solli në treg u pëlqye nga publiku dhe vazhdojnë të jenë ende hite. Skenës muzikore i’u shtua edhe një tjetër këngëtare e re dhe mjaftë e talentuar, e cila përveç zërit ka edhe një stil joshës dhe ajo është Irva Stefa e cila nuk preferon që karrierën e saj muzikore ta ndërtoj në krahë të motrës së saj Rovena Stefa.

Ajo tani së shpejti do të lansoj albumin e parë të saj në të cilin është duke punuar me mjaftë përkushtim. Kërshëri tek shikuesit ka zgjuar edhe këngëtarja e re Arxhentina Ramosaj e cila karrierën e saj e nisi me shumë mbarësi. Në fakt janë edhe kusherirat e saj Beatrix Ramosaj dhe Anxhelina Hadërgjonaj të cilat pretendojnë të ndërtojnë një karrierë të madhe muzikore. Lista e ngritjeve në skenë e këngëtarëve tanë është mjaftë e gjerë, mbase ne ua sollëm vetëm disa prej tyre.

Yjet që ishin ‘out’

Por ky vit për disa këngëtarë ishte i dështuar. Dikur ishin yje dhe punonin pa ndalë, ndërsa tani si duket po ia bëjnë vetes pushim. Mbase disa edhe mund të jenë lodhur nga puna e bërë vite me radhë. Këngëtarja që vazhdon t’i mungojë skenës muzikore për disa vjet me radhë është Aida Baraku, e cila si duket tani po u kushton më shumë rëndësi të tjerëve.

Ajo vazhdon të jetë tekstshkruesja më e kërkuar e tregut muzikor, ku një pjesë e madhe e këngëtarëve tanë këngët e tyre i kanë nga Aida. Po ashtu edhe bashkëshorti i saj Armend Rexhepagiqi është në situatë të njëjtë sikurse Aida, pasi edhe ai më shumë është duke punuar si producent se sa të paraqitet si këngëtarë.

Rënie thuajse në çdo vit po bënë edhe grupi i njohur ‘Hana Band’ që si duket nuk po u shkonë mbarë me vokalistët. Suksesin më të madh ata e kanë pasur vetëm me vokalisten Kaltrina Selimi me të cilën realizuan disa hite. Por me largimin e saj bendi, vetëm sa mori teposhtëzen dhe nuk pati fat me asnjë vokalist.

Nuk u pa gjatë këtij viti edhe këngëtarja Violetë Kukaj Retkoceri, e cila ka deklaruar se angazhimet rreth familjes dhe puna në Ansamblinë e Valleve dhe Këngëve “Shota” kanë ndikuar që ajo të mos lansojë ndonjë projekt të ri muzikor. Ndonëse ajo shpalos për “Zëri”-n se në vitin 2012 do të realizoj një album që do të shënoj edhe kthimin e saj në skenë.

Edhe këngëtarja Mirsa Kërçeli gjatë një viti nuk arriti të lansoj ndonjë projekt të ri muzikor. Si shkak i mos prezencës në skenë thuhet të jetë angazhimi rreth fejesës dhe kryerja e disa punëve private që nuk kanë të bëjnë me këngën. Mirëpo ajo tani ka nisur përgatitjet për projektet e reja dhe në fillim të vitit 2012 adhuruesit do të kenë rastin t’i shijojnë këngët e saj.

Gazeta Zeri

Historia e saj nisi si ajo e qindra emigrantëve shqiptarë: një vajzë e vogël 9-vjeçare, që u detyrua të linte pas qytetin e lindjes, Shkodrën, për t’u larguar së bashku me familjen në Zvicër, në fillim të viteve ’90.

Por sot, emri i Anxhela Martinit renditet mes femrave më të bukura të botës, punon si modele me agjencinë e famshme ‘Elite’ në New York dhe është renditur ndër 10 femrat më të bukura të botës, në ‘Miss Universe 2010’, konkurs në kujdesin e Donald Trump.

Por, Anxhela 25-vjeçare, është në qendër të vëmendjes jo vetëm për arritjet e saj profesionale në fushën e modës, por edhe për historitë e përfolura të dashurisë, skandalet e vogla mediatike dhe batutat e guximshme.

Por, shkodrania Anxhela, nuk mjaftohet me kaq e shkon më larg … e bukur po, por edhe biznesmene! Gjithmonë në industrinë e modës e në një pikë që e njeh shumë mirë, atë të rrobave të banjës seksi. Fundja, kush më mirë se ajo mund t’u bëjë reklamë krijimeve të veta?

Jeni larguar nga Shqipëria, fare e vogël, në moshën 9-vjeçare. Mban lidhje me vendlindjen, apo ruan kujtime që të lidhin me Shkodrën?
Sigurisht! Shkodra fle thellë brenda meje; është vendi ku filloi gjithçka dhe portreti i asaj çfarë jam sot. Shumë kujtime më lidhin me atë qytet – gjëja e parë ë vjen ndër mend është dashuria. Ajo më e madhja e e pakushtëzuara: dashuria e prindërve të mi. E më tej, dhjetëra të tjera: ushqimi i mrekullueshëm shqiptar, ai që gatuante mamaja ime, apo qasja me ekranin, programet argëtuese italiane kanë qenë të preferuarat e mia; fqinjët me thashethemet e së përditshmes, unë herë vajzë e herë djalë çapkën, konkursi i parë i bukurisë (kur isha ende fëmijë), mësuesit e parë e të tjera kujtime, që mbushën nëntë vitet e para të jetës sime në Shkodër.

Familja jote emigroi fillimisht drejt Zvicrës, e më pas ti shkove në SHBA. Sa të vështira ishin vitet e emigrimit, si e kujton atë kohë?
Largimi drejt Zvicrës ishte i trishtë! Më mungonte Shqipëria, qyteti im, të afërmit, miqtë, gjithçka. Përshtatja me një kulturë të re, ritet, apo edhe ushqimin ishte jo i thjeshtë. Viti i parë ishte tejet i vështirë. Më pas, gjithçka shkoi në vend të vet dhe nëse më pyet sot, Zvicra është pjesë e imja ashtu sikurse Shqipëria, Ndërsa New York-u, ishte ëndrra ime qëkur isha njëmbëdhjetë vjeç ose më mirë, u bë i tillë qysh prej vizitës time të parë (ishte periudhë Krishtlindjesh). Pata ndjesinë sikur e kisha jetuar më parë këtë qytet. Mbaj mend t’ia kem thashë babait këtë dhe ditën që u larguam, qava jo pak.  Kaq mjaftoi që NYC të zinte vendin e parë në zemrën time. Desha gjithçka të atij qyteti  dhe i vura vetes një objektiv të ri e shumë të rëndësishëm: një ditë do të jetoja në  New York! Sigurisht, nuk ishte e lehtë, por kur dëshiron diçka vërtet, çdo pengesë apo hendek që të del përpara bëhet më i thjeshtë për t’u kapërcyer. Kështu, New York-u për mua u bë sinonimi i viteve më të mira dhe falënderoj zotin për këtë. E them me bindje se, nëse do të isha gjendur në tjetër vend, do ta kisha shumë të vështirë të ndërtoja një jetë. Gjithçka lidhet me mënyrën sesi ndihesh e më pas, bëhet e thjeshtë që gjërat rrjedhin natyrshëm.

E ke menduar gjithmonë veten një modele? Ky është profesioni që ke dëshiruar, apo gjithçka erdhi rastësisht?
Gjithmonë kam dashur të jem modele, apo thënë ndryshe, kam dëshiruar gjithmonë llojin e jetës që kam. Kam pretenduar maksimumin dhe kam besuar gjithmonë në atë që bëj; shpesh i shfaq dëshirat edhe me zë të lartë (sado të guximshme qofshin ato), aq sa miqtë më quajnë të çmendur. Megjithatë, nëse të ëndërrosh shumë, të kesh ndershmërinë ta pranosh dhe të besosh fort se do t’ia dalësh, nënkupton të jesh pak ‘e çmendur’, atëherë … po, jam pak ‘e çmendur’!

Jeni në fushën e modës, që në moshën 18-vjeçare, sa e vështirë është përballja? Ke pasur mbështetje në këtë drejtim?
Kam pasur jo pak ndihmë dhe lehtësira. Dua të përmend Fadil Berishën; një njeri i mrekullueshëm, që ka asistuar fillesat e mia dhe ka qenë gjithmonë i pranishëm, sa herë kam pasur nevojë për ndihmë. Ai ka ndihmuar edhe shumë vajza të tjera shqiptare (mes nesh e quajmë ‘babai i miseve’). Ai është një tjetër ëndërrimtar ‘i çmendur’, por edhe ai, si unë, vjen nga një vend i mrekullueshëm, që ndër të tjera ka një karakteristikë: lind njerëz me zemër të madhe. Një ndër cilësitë e tij është aftësia për të njohur njerëzit, si askush tjetër. Kështu,diçka që më kanë mësuar vitet është se nuk mund t’ia dalësh kurrë i vetëm. Suksesi i një njeriu është produkt i punës së një skuadre dhe kur them skuadër nënkuptoj familjen, miqtë, njerëzit që të besojnë edhe atëherë kur ke humbur besimin në vete. Dhe unë kam pasur fatin të kem mbështetjen e një ‘skuadra’ të tillë. Familja ime ka qenë dhe është ende sot, e pranishme në jetën time (ata ende kujdesen për gjithçka); nuk do të isha askund dhe mbështetjen e secilit prej tyre.

Çfarë të frymëzon, çfarë modelesh aspironi dhe ndiqni në jetë?
Frymëzimi im është jeta; jam ekstremisht e dashuruar me të. Ndërsa modelet fillojnë me figurat e familjes dhe njerëzve që më rrethojnë dhe më pas, me emra të tillë të suksesshëm si: Heidi Klum, Angelina Jolie, Beyonce, Marylin Monroe dhe Elizabet Tailor.

Punoni me agjenci të mëdha dhe shumë serioze, si ‘Next’ apo ‘Elite’; çdo të thotë të punosh me emra të tillë?
Është kënaqësi sigurisht, të punosh me emra të mëdhenj, por me kalimin e kohës bëhet diçka e zakonshme. Megjithatë, pavarësisht të tjerave, e rëndësishme është të përkushtohesh në punën që bën.

Keni pozuar për ‘Sports Illustrated’, një super¬revistë ku pa dyshim është shumë e rëndësishme të jesh në faqet e saj, si je ndier?
Oh, ishte e mrekullueshme! Ishte një surprizë e madhe (ishte viti i parë në NY, për mua). E dehur nga lumturia dhe suksesi i papritur, besoj se nuk ia ndjeva peshën. Ndërsa sot, e njëjta revistë më dha një tjetër kënaqësi: ata më shpallën ‘Zonjusha e ditës’. Gjëra të vogla që japin shumë kënaqësi, sidomos kur janë surprizë dhe siç thonë ata të ‘Sports Illustrated’: modelet shqiptare e bëjnë edhe më të mirë punën.

Nuk ke hezituar kurrë të nxjerrësh hiret, deri në fund madje… Mendon se në një profesion të tillë është e detyruar të japësh maksimumin, qoftë edhe në ekspozimin e trupit (profesionalisht, kuptohet)?
Në çdo punë je i detyruar të japësh maksimumin, por edhe të ndërtosh një hierarki rregullash. Besoj në imazhin e mirë dhe jo në ekspozimin e tepruar.

Format e tua perfekte dhe paksa mesdhetare, ju kanë bërë një modele ideale për veshjet intime dhe rrobat a banjës. Sa komfort ndihesh kur të pozosh veshje të tilla, në foto seksi dhe provokuese?
Ndihem shumë mirë me pozimet me të brendshme. Është bukur të ‘festosh’ si duhet të qenit femër dhe nuk ka asgjë të keqe të jesh një grua seksi (me klas, gjithmonë). Mendoj se jam shumë pranë kësaj natyre dhe po e përjetoj këtë ndjesi kaq të bukur!

Në fakt, sa provokuese jeni në jetën e përditshme?
Nuk kam provokuar kurrë me qëllim! Thjesht jam unë edhe gjithçka tjetër, qëndron në këndvështrimin e secilit.

Pa dyshim, kjo që bëri xhiron e botës, është fotoja e juaj e pak kohëve më parë, ku ju shfaqni pjesët intime nën fustanin e mbrëmjes, në ‘CFDA Awards’, ku pamja nuk i linte vend imagjinatës…Është e vërtetë se gjithçka ishte rastësi e pamenduar? Duket sikur dora, vendosur me delikatesë, pranë fustanit, tregon pikërisht se po ekspozon diçka…
Sigurisht që ishte aksidentale! Nuk më besohet që shumëkush mendoi se ishte nj gjest i qëllimshëm. Ishte shokuese për mu! Është përtej vetëbesimit të ‘tregosh gjithçka dhe të buzëqeshësh në të njëjtën kohë. Ka qenë një ndër gjërat që më ka dhembur më shumë e gati-gati, s’më besohet se më ndodhi pikërisht mua! Megjithatë m’u desh të mblidhja veten, të shkoja në punë dhe jeta vazhdoi me ritmin e saj.

Shprehja juaj: ‘Always wax you, never know what will happen’ (depilohu gjithmonë, asnjëherë nuk i dihet!), nuk më duket e pamenduar…Madje, mund të them se te burrat ka bërë një efekt të madh kjo….
Është e vërtetë që e kam thënë, por ishte thjeshtë një batutë, jo moto! Një gjë është e sigurt ajo që them unë, nuk është gjithmonë ajo që mediet interpretojnë (me fjalët e tyre), apo perceptojnë.

Ke qenë në vëmendje të medieve botërore edhe për lidhjet e tua të përfolura, së fundmi Kanye West! Të luten, mos na dekurajo duke thënë se ju jeni ‘just friends’…, ai është shumë simpatik! Sa të vërteta ka për lidhjet etua me personazhe të famshëm?
E vetmja gjë që mund të them është se, kjo histori është tepër personale. Vjen një moment që kupton rëndësinë e kufirit midis privates dhe publikes dhe unë zgjedh të mos e ndaj këtë me të gjithë…nuk je dakord me mua!

Po për një puthje të fundit të përfolur me Donald Trump?
Ha, ha, ha! Nuk më shqetësojnë aspak! Nuk u kushtoj rëndësi gjërave të tilla prej shumë kohësh, thuajse 95 për qind e asaj që thuhet është thjesht thashetheme. Trump është një zotëri lumturisht i martuar dhe këtë e di gjithë bota. Është qesharake të shohësh sesi media e zhvendos fokusin nga një eveniment me përmasa të mëdha, në një ritual (siç ishte puthja ime në faqe!) i cili u ndoq nga të gjitha miset e tjera!
Unë nuk mërzitem, përkundrazi, herë-herë jeta ime më duket si një seria me disa episode.

Jeni e vetmja ‘Mis Albania’, që keni arritur në nivelet më të larta në ‘Miss Universe’, si ndihesh?
Pjesëmarrja në ‘Miss Universe Albania’, ka qenë një prej vendimeve më të mira që kam marrë ndonjëherë! Fillimisht nuk më pëlqeu ideja, por falë zotit, Fadili më bindi dhe sot ja ku jam. Ishte një lëvizje strategjike për karrierën time. Edhe evenimenti në vetvete ishte një eksperiencë e paharrueshme për mua. Nuk mund të mos përmend një prej momenteve më të rëndësishme, sfilita me kostum kombëtar. Ky i fundit, u dizajnua posaçërisht nga dizenjuesit e ‘Victoria’s Secret’ dhe u quajt ‘Albanian Eagle Wingës’. Besoj se prezantoi denjësisht vendin tim.

/Telegrafi/

Edhe pse lidhja e tyre është bërë tashmë zyrtare, një moment kaq intim, si ky që shihni në foto, nuk ka qenë asnjëherë pjesë e kuriozitetit të publikut. Por duket se Rozana Radi ka vendosur të sjellë një moment të tillë në faqet e internetit, ku ajo shfaqet në shtrat me të dashurin e saj, Mc Kresha.

Duket sikur ata janë në gjumë dhe kjo foto të lë të kuptosh sikur ata janë duke fjetur, por në fakt ka gjasa që i gjithë ky të jetë pjesë e një skenari të mirëmenduar nga të dy artistët.

Kjo duket qartë edhe nga fotot, të cilat janë punuar fillimisht në kompjuter, sigurisht para se ato të hidhen në web. Gjithsesi, mbetet të zbulohet se prej nga rrjedh kjo foto…!

Gazeta Shqiptarja

Fotografia është një pasion i hershëm i Rezarta Shkurtës, por ndodh që fotot e e publikuara nxjerrin ndonjëherë ca defekte që vetëm një sy i vëmendshëm mund t’i kapë.

Kjo foto po qarkullon prej pak ditësh në internet dhe komentet e shumta, pohojnë se ka shumë gjasa që hunda e këngëtares që është kaq perfekte të jetë realizuar falë një ndërhyrje kirurgjikale, por ky është një fakt që ende nuk është zbuluar, madje as pranuar zyrtarisht nga Rezarta.

Por ka edhe nga ata që janë profesionistë në përpunimin e fotove, të cilët pranojnë se nuk bëhet fjalë për një operacion, por një punim perfekt me anë të Photoshop-it. Të mos harrojmë që duke qenë shumë e dhënë pas fotografive, edhe Rezarta tani është e aftë që të arrijë të kryejë këto ndërhyrje të vogla me anë të kompjuterit.

Gazeta Shqiptarja

Gjatë gjithë vitit artistët dhe media janë “miq” dhe “armiq” të përbetuar ndaj njëri-tjetrit, por në fund ata e kuptojnë se misioni që të dyja palët kanë është i thjeshtë shërbimi në emër të publikut.

I nisur nga ky motiv, artistja kosovare Nora Istrefi ka pranuar të “zhvishet” dhe të mbajë uniformën e një prej të përditshmeve kosovare. Nora ka veshur fanelën me logon e gazetës kosovare “Zëri”, duke bërë “paqe” me të gjitha mediat shqiptare, një mënyrë kjo e cila konfirmon se ajo e mirëkupton më së miri misionin mediatik, madje e mbështet atë.

Në foto tregohet artistja e cila ka veshur vetëm një fanelë tipike futbolli deri poshtë belit, duke pohuar gjithashtu se është një fanse e medias. Ndoshta këtë model duhet ta ndjekin edhe artistët e tjerë, në mënyrë që të kuptojnë një herë e mirë, se qëllimi i medias nuk është t’i kritikojë ata, por që në emër të kritikave, arti shqiptar të përmirësohet dhe të jetë në standardet botërore.

Gazeta Shqiptarja

Një fanse e “çmendur” e këngëtares me nam në Kosovë e më gjerë, Genta Ismajli, ka ndërmarrë një hap të veçantë që rrallëkush mund ta bëjë në momentet më speciale të jetës. Mësohet se vajza, emri i të cilës nuk bëhet i ditur, për ditën e dasmës së saj, në vend të fustanit të nusërisë ka dalë para të ftuarve me një veshje me mbishkrimin “Shkune, tune”.

Kur Genta e ka mësuar këtë gjë, është emocionuar shumë, madje këtë gjë e ka komentuar me superlativa edhe vetë në një prej daljeve televizive të fundvitit. “Shkune, tune” është një prej hiteve më të njohura të këngëtares seksi, e cila të themi të drejtën, me aq sa kemi vënë re ka fansat më të “çmendur” mes të gjithë këngëtarëve shqiptarë.

Së fundmi, këngëtarja seksi ishte në Tiranë, për shkak se mori pjesë në spektaklin “Këngët e Shekullit”, pasi këndoi te “Nata amerikane”. Në duetin me mamanë e re, Aurela Gaçe, ajo ndezi skenën me këngën “River Deep montain high”.

Të gjitha personazhet VIP kanë manitë e tyre, disa preferojnë të dalin nudo kundrejt shumave marramendëse prej 1 milion dollarësh në revista si “Playboy”. Rasti më i fundit ishte ai i aktores kontroverse Lindsay Lohan, fotot e së cilës bënë xhiron e botës para se të publikoheshin zyrtarisht në kopertinë. Me personazhet VIP në Shqipëri, si në çdo fushë tjetër që kap spektri i jetës së përditshme, situata ndryshon.

Ka nga ata që bëjnë art për të mbijetuar, të tjerët për pasion dhe pikë dhe të tjerë që zgjedhin një rrugë të mesme. Rezarta Shkurta është një artiste që prek disa dimensione të artit, duke qenë se është marrë me modelim, pikturë, këndon dhe vitet e fundit ushtron me shumë dëshirë e zell fotografinë. I pëlqen të jetë provokuese, por edhe mjaft profesioniste në këtë punë, ndaj kuron me kujdes çdo detaj.

“Një ndër pasionet më të mëdha në jetën time është të fotografoj. Më duket sikur ndalon koha dhe ai kujtim, ajo shkrepje, do të mbetet në përjetësi”, – është shprehur vetë ajo. Nga duart e saj kanë dalë fotot e dhjetëra e dhjetëra personazheve të njohura, por po t’i hedhim një sy galerisë së fotove të Rezit, do të kuptojmë se këngëtarja e bukur ka veçanërisht damar për fotot nudo…

Që të mos keqkuptohemi, ato artistike! Parapëlqen veçanërisht stilin vintage (foto në ambiente të vjetra si hotel “Dajti”) që evokon dekadat e lëna pas, të ndërthurur me glamurin, një stil mjaft i preferuar mjaft nga fotografët më në zë sot. Prej kohësh këngëtarja e hitit “Budallaçkë e vogël” ka njoftuar çeljen e një ekspozite me punime të ndryshme të saj, që nga piktura, grafika e deri te fotot, pas së cilave është e dashuruar.

U tha se nuk do të mungonin fotografitë nudo, artistike dhe konceptuale (si në rastin e fotos nudo të një vajze që mban në shpinë krahë të zinj engjëjsh), madje edhe të vetë asaj, por deri më sot nuk kemi dëgjuar për një ekspozitë të tillë në kryeqytet. Ndoshta Rezarta ka ndërruar mendje pas sherrit të bujshëm me këngëtaren rivale Rozana Radi dhe problemeve që pasuan me drejtësinë, që nga takimet në gjykata e prokurori etj.

Shpresojmë të mos e ketë parë të arsyeshëm këtë moment për një event të tillë, dhe jo ta ketë harruar, sepse do të na vinte me të vërtetë shumë keq… Të gjithë presin me kërshëri të admirojnë më nga afër trajtat seksi të trupit të 25-vjeçares nga Durrësi, aq më tepër që si për ironi, “koleges” së saj Rozanë pati mundësi ta shihte topless një Shqipëri e tërë, falë disa fotove që dolën tinëz në shtyp. Sesi, qysh e tek, askush nuk e mori vesh, edhe pse Rozana deklaroi publikisht se e dinte se kush ia kishte bërë këtë të keqe që më pas e konsideroi nder, sepse tha që “më bënë vetëm publicitet”. Sido që të jetë, këto foto nuk kishin lidhje me artin!

Rezi forcon marrëdhënien me aparatin magjik duke pozuar vetë nudo

Ka guxuar të pozojë me vetëm një çarçaf të hedhur shkujdesur në disa nga pjesët më intime të trupit, por ndoshta kështu vjen më erotike dhe e paarritshme se kurrë. Kur bëhet njësh me punën e vet, artisti ngrihet mbi paragjykimet dhe shndërrohet në modelin më perfekt të konceptit që ka në kokë.

Kush më mirë se Rezarta Shkurta e di këtë?! E kemi parë me lingerie, në trajtë engjëlli, si geisha, me rroba dhe pa rroba – krejt siç e ka bërë nëna… Edhe pse e vendosur para paragjykimeve të shoqërisë ende të ndrydhur shqiptare, një femër e martuar si ajo ka guxuar të thyejë tabutë… korniza që pak VIP-a arrijnë t’i kapërcejnë.

Me një shikim magnetik, flokë të zinj dhe lëkurë gati të fildishtë, për Rezin me siguri ka qenë e vështirë t’i rezistojë tundimit për t’u zhveshur. Mes shumë modeleve që ka zgjedhur për nudot e saj, ajo foto erotike ka realizuar edhe për disa fytyra të njohur publike, si me Anxhelina Hadërgjonajn, Beatrix Ramosaj, Redon Makashin etj., bile i fundit është reperi Big Basta, njëherazi koleg dhe bashkëpunëtori i këngës së saj më të fundit “Të jesh e mirë s’mjafton”.

Ndoshta si një “shpërblim” për tekstin e bukur të këngës “Të jesh e mirë s’mjafton”, për të cilën ajo u shpërblye me çmimin “Best Performance”, Rezi i ka realizuar disa foto (mbase for free- falas), mikut të saj. Big-u ka pozuar mjaft natyrshëm, i veshur serioz si rrallë herë, me syze të zeza dielli dhe me një puro në dorë, por ç’është më e veçanta, me një femër shumë seksi pranë, në një pozicion intim dhe e veshur me lingerie.

Modelja me zhartierë pranë tij nuk shihet se kush është, por ndoshta Rezarta e ka zgjedhur sa për të “goditur” syrin e publikut. Këngëtarja këtë efekt e njeh shumë mirë, pasi publiku gjithmonë impresionohet nga fotot e saj dhe sidomos nga fotot ku ajo shfaqet si një modele.

Gazeta Standard