Janë të shumta vajzat shqiptare që me talentin e tyre kanë mundur të trokasin në dyert e famës përtej Atlantikut. Shumë prej tyre e kanë nisur nga Shqipëria, e disa të tjera fati ka bërë që ta nisin larg prej këtu karrierën e tyre. Sot ne mund të krenohemi me to, me faktin që ato po e ngrenë lart emrin e Shqipërisë, me faktin që edhe ne kemi talente të krahasueshme me divat botërore, qofshin këto modele, këngëtare apo aktore. Të bukura, të talentuara dhe me një vullnet të hekurt ato ia kanë dalë.

Në këtë listë të vajzave shqiptare kemi përshirë disa prej tyre, të cilat aktualisht po lakohen në të gjithë botën. Emrat e tyre dhe prejardhja shqiptare po zënë faqet e tabloideve të huaja.

Rita Ora:

E para dhe më e përfolura e momentit është sigurisht këngëtarja Rita Ora. E rritur në Britani, vajza vetëm 22 vjeçe nga Kosova, është prezente në të gjitha faqet e shtypit të huaj. Kjo falë talentit dhe zërit të saj të mrekullueshëm, por edhe falë mbështetjes së madhe që po merr nga labeli i Jay-Z, bashkëshorti i një prej yjeve botëror më të famshëm e të suksesshëm, siç është Beyonce. Rita Ora me këngën e saj “Hot right Now” dhe R.I.P qëndron në krye të klasifikimeve britanike. E megjithatë ajo synon tregun amerikan, e mandej atë botëror.

Pushtimi i Rita Orës është i sigurt. Këtë e tregon më së miri vëmendja e shtypit ndërkombëtar dhe cilësimet e saj si magjia më e re e muzikës Pop-RnB. Madje përkufizimet e gazetës prestigjioze “The Sun”, se Rita është më e magjishme se Rihanna, tregon më qartë forcën e talentit të saj, që sa ka nisur të depërtojë në dyert e botës amerikane të shou-bizit. Ajo që vlen për t’u theksuar tjetër për Ritën është edhe lidhja e saj me vëllain e Kim Kardashian, Rob. Edhe pse këngëtarja ende nuk ka bërë asnjë prononcim lidhur me këtë marrëdhënie, ta pohojë apo mohojë atë, paparacët i kanë fotografuar duke u puthur së bashku në USA, gjatë qëndrimit të Ritës aty.

Eliza Dushku:

Aktorja shqiptare Eliza Dushku vazhdon me sukses projektet e saj në kinematografinë amerikane. E njohur për gjithë publikun shqiptar, sidomos për tatuazhin e saj me shqiponjën dykrenare që ia ka treguar gjithë botës, Eliza është padyshim një nga vajzat shqiptare më të famshme në Hollivud. Së fundmi Eliza Dushku do ta huazojë zërin në filmin e animuar “Hulk” dhe do të luajë për një sezon në serialin “Leap Year”. Aktorja po ashtu ka thënë se nuk do ta ndalë aktivitetin e saj humanitar me fëmijët e traumatizuar nga lufta e Ugandës. Dushku, pasi luajti “Catwoman” në animacionin e filmit të Batmanit, do të paraqitet edhe në një animacion tjetër. Është fjala për animacionin “Hulk and the Agents of S.M.A.SH”, ku ajo do të luajë zërin e “She Hulk”, përderisa lajmin e ka bërë të ditur njëri prej aktorëve të tjerë në këtë film, Adrian Pasdar. Pasdar, i cili ka huazuar zërin edhe te filmat e animuar “Iron Man”, “Ultimate Spider – Man”, ka thënë se bashkë më të do të jetë edhe aktorja shqiptare. Edhe Jeph Loeb nga kompania Marvel ka thënë se kjo seri do të dalë së shpejti në treg, por do të pushohet pak më shumë për shkak të filmit “Avengers”, që pritet të ketë një sukses të pakonsiderueshëm në botë. Kjo seri e filmave vizatimorë me Elizën pritet që të transmetohet në ABC, ka thënë ndër të tjera Jeph Loeb. Por, këto nuk janë të rejat e vetme të Elizës. Aktorja pritet që gatë këtij vit në CV-në e saj të luajë si mysafire në serialin shumë të shikuar “Leap Year”. Sipas producentëve të këtij seriali, Dushku pritet të rishfaqet gati gjatë gjithë sezonit në rolin e June Pepperit, që është një hakere ekscentrike e kompjuterëve, e cila fillon një histori si inxhiniere lidere me kompaninë C3D. Dushku në këtë seri do të paraqitet po ashtu përkrah disa aktorëve të tjerë të njohur si Craig Bierko, Joshua Malina, Julie Warner, Steven Weber dhe ish-kolegia e saj nga seriali Buffy, Emma Caulfield. Paraqitja e parë në sezonin e dytë të “Leap Year” pritet të bëhet më 18 qershor.

Angela Martini:

Bukuroshja shqiptare Angela Martini, e përzgjedhura si një ndër 10 më të mirat në “Miss Universe 2010”, duket se e ka gjetur rrugën e duhur drejt famës. Martini është cilësuar si një nga modelet më të veçanta, falë tipareve të saj mesdhetare dhe formave të lakuara në kufijtë e perfeksionit. Aktualisht Angela po merret me lançimin e linjës së saj të të brendshmeve, ku modelja më e mirë për t’i reklamuar është vetë ajo.

Modelja bukuroshe Martini diti të tërheqë vëmendje e shtypit të huaj me një sërë provokimesh, si përfolja për lidhje me Kanye West, Craig David, apo edhe skandali i saj në “Cfda Fashion Awards”, ku i habiti të gjithë paparacët për shfaqjen e saj me një fustan tepër të hapur dhe pa asgjë poshtë. Të gjitha këto, pa hequr aspak vlerën e bukurisë së saj, e kanë bërë Angelën të jetë një nga modelet shqiptaret më të lakuara të viteve të fundit.

Bleona Qerreti:

Me siguri që të gjithë shqiptarët po presin momentin kur Bleona do të lançojë këngët e saj të reja të punuara në Amerikë në studiot e Timbaland. Ka më shumë se një vit që Bleona Qerreti po përgatit terrenin për suksesin e saj në muzikë. E megjithatë, ajo vazhdon të na befasojë ditë pas dite me të rejat e saj. Në një intervistë të fundit për mediat tona ajo rrëfente miqësinë e saj me Al Pacinon. Por surprizat e saj nuk mbarojnë këtu.

Bleona tani do të provojë tashmë edhe eksperiencën e saj si aktore. Lajmin e ka bërë të ditur vetë këngëtarja në faqen zyrtare të saj në Twitter  vetëm pak ditë më parë, ku ka shkruar: “Hello Albania, shumë shpejt do të dëgjoni surprizën time të radhës, ku unë luaj në një film që shumicën e kohës flas shqip! Nuk ju them dot më shumë, ju dua shumë, shumë, shumë, god bless Albania!” është shprehur ajo, ndërsa më vonë zbuluam se bëhet fjalë për një film të cilin ajo do ta luajë përkrah një aktori shumë të famshëm hollivudian.

Emine Cunmulaj:

Pa dyshim Emine Cunmulaj është modelja shqiptare më e njohur në botë, status të cilin ajo e ka arritur me shumë punë e përpjekje. Emine Cunmulaj, 27–vjeçare, prej vitesh jeton në SHBA dhe është një nga figurat e njohura të botës së modës. Ajo ka sfiluar në pasarelat e Nju–Jorkut, Parisit, Londrës, Milanos etj. Pak modele kanë pasur rastin të pozojnë për kopertinat e revistave më të njohura botërore, si: “Vogue”, “Elite” dhe “Fashion”,  në të cilat shqiptarja Emine ka qenë shpesh në cover. Së fundmi, e larguar disi nga bota e pasarelave, Emine po kërkon suksesin përtej të qenit si modele. Ajo tani i ka hyrë kinematografisë.

Vetëm pak kohë më parë, pikërisht më  25 shkurt në Los Angeles u shfaq premiera e filmit “Virgin Eyes”, me regjisor Roxine Helberg. Në një nga rolet kryesore të këtij filmi e luan shqiptarja Emina Cunmulaj. Filmi është pritur mirë dhe tani ngelet të shohim të rejat e tjera në këtë rrugë të re drejt kinematografisë së Eminesë. A do të arrijë apo jo të ketë po të njëjtin sukses si modele edhe në aktrim këtë vetëm koha do ta tregojë.

Gazeta Mapo

’Kam arritur gjithe c’kam dashur te arrij ne lemin e modes. Kam enderruar te punoj me dizajneret Karl Lagerfeld, Zhan Paul Gautier, Tom Fordin e shume te tjere. Une, po ashtu, kam enderruar te behem pjese e revistave ‘Vogue’ dhe ‘Elle’ dhe kete e kam realizuar’’, nje pjese e endrrave te Emines eshte realizuar, ndersa suksesin ne mode ajo e vazhdon qe nga Amerika deri ne Indi.

”Jam e perfaqesuar nga agjenci te shumta ne gjithe boten. Menaxheri im kryesor eshte Konor Kenedi, nga firma “Muse Models” e Nju- Jorkut. Jam e perfaqesuar edhe ne France, ne Londer, ne Milano, ne Gjermani, ne Dubai dhe ne Indi. Por, cdo gje e punes sime kalon ne duart e menaxherit tim. Natyrisht, edhe familja ime ze pjese te rendesishme ne karrieren time.

Pa perkrahjen dhe dashurine e tyre nuk do te ishte e lehte”, keshtu tregon per punen e saj supermodelja e njohur shqiptare, Cunmulaj, e cila tregon gjithashtu se per vazhdimin e karrieres si modele has ne shume veshtiresi dhe kete e thote nga pervoja.

”Nga pervoja me duhet te them se eshte shume veshtire. Ke konkurrence shume te madhe, vajza te bukura dhe nje fushe te modes, e cila gjithmone eshte ne kerkim te stileve dhe pamjeve te ndryshme.

Te mbijetosh, duhesh te jesh ambicioze. Duhet thjesht, t’ia kushtosh jeten modelimit’’, thote bukuroshja e njohur, e cila gjate nje interviste dhene se fundi ka treguar se eshte martuar e re dhe nuk e fajeson karrieren per problemet martesore. Ajo gjithashtu ben me dije se ne jeten e saj private ka dicka te re, por nuk preferon te flase ne kete kohe, ndoshta ne nje te ardhme te afert. Panorama Plus

Fundjavën e kaluar dhe konkretisht të shtunën e 25 shkurtit në Los Angeles është shfaqur premiera e filmit “Virgin Eyes”, ku regjia është bërë nga Roxine Helberg. Por në një nga rolet kryesore të këtij filmi shfaqet edhe modelja e famshme shqiptare Emina Cunmulaj.

Ajo në këtë film quhet Melissa, dhe është veshur në rolin e këtij personazhi, që do ta provojë bukuroshen shqiptare edhe në një sfidë tjetër, atë të aktores. Ndërsa filmi tregon për një vajzë 15 vjecare Andrea, ku luan Gigi Hadid dhe marrëdhënia me babain e saj, i cili është në varësi të drogës.

Të shohim se si do të pritet modelja shqiptare shumë e pëlqyer në pasarelat botërore në kinematografi, ndoshta për ta parë nesër në të tjera role edhe më të spikatura./Albavipnews/

Modelja shqiptare, e cila kryeson në pasarelat botërore, Emine Cunmulaj, ka edhe ajo problemet e veta, për shkak të gjatësisë së këmbëve. Nëse deri më sot ju vajza keni thënë “ah sikur ti kishim këmbët e Emines”, tani e më pas do të ndryshoni mendimin.

Fakti është se bukuroshja me këmbët e gjata, nuk po mundet të gjejë pantallona të përshtatshme për këmbët e saja, ose thënë ndryshe që ti bien “fiks”, pasi të gjitha janë të shkurtra për shtatlartësinë e saj. Ky ishte edhe ankimi qe ajo kishte bere vet ne Twitter.

Edhe në këtë foto si duket ajo ka qenë në këtë qendër tregtare në shopping, dhe duket sikur nuk ka gjetur edhe këtë herë pantallona për vete. Natyrisht se duhet ti drejtohet si zakonisht stilistit për të veshur këmbët e saja të gjata./Albavipnews/

Emina dhe Sam janë treguar mëse të kujdesshëm për ti qëndruar sa më larg syrit të publikut, por falë David Beckham dora vetë, lidhja e tyre është konfirmuar dhe bërë publike.

Pas një darke me Eminën dhe Sam (shiko foton), David Beckham është ngacmuar nga reporterët se kush ishte vajza e bukur me të cilën po darkonte e a do të bëhej xheloze Victoria kur ta merrte vesh këtë? David në anën tjetër ju është përgjigjur se ajo është e dashura e një mikut të tij dhe të tre po hanin darkë së bashku.

Ene kshu… hahahhahaha! Në lajme të tjera Sam Nazarian është një biznesmën i njohur në Amerikë (me origjinë nga Irani) i cili arriti sukses financiar me investime teknologjike dhe më pas me shit-blerje pronash. Pronar i disa hoteleve, restoranteve, klubesh nate e shumë biznesesh të tjera, Nazarian së fundmi ka filluar të investoj dhe në prodhimin e filmave hollivudian. Ai dhe Emina Cunmulaj, mësojmë që të jenë lidhur romantikisht që prej afro dy vjetësh.

Revista Albaniac

Bukuroshja shqiptare, e cila jeton dhe punon në Amerikë, Emina Çunmulaj (27 vjeçe), pas disa krizave në jetën private, si duket po gjen rehatinë. Është hera e dytë që supermodelja e njohur shfaqet përkrah miliarderit amerikan me origjinë iraniane, Sam Nazarian, gjatë disa eventeve të rëndësishme në Shtetet e Bashkuara të Amerikës.

Emina është parë të fototgrafohet së bashku me Eliza Dushkun dhe me të dashurit e tyre, përkatësisht Sam Nazarian dhe Rick Fox, gjatë një eventi në Amerikë. Sam Nazarian (36 vjeç) ka lindur në Teheran të Iranit, ndërsa jeton prej shumë vitesh në Shtetet e Bashkuara të Amerikës. Ai është themelues i spitalit SBE, i vendosur në Los Angeles, si dhe është pjesë e bordit drejtues të Institutit të Arkitektëve në Karolinën Jugore, pjesë e Bordit të komisionerëve të aeroportit në Los Angeles, si dhe pjesë e fondit ‘’Beverly Hills Education’’.

Për modelen shqiptare, kjo lidhje sigurisht që do t’i sjellë shumë fat e popullaritet, ndërsa ish- bashkëshorti i Emines me profesion ka qenë model dhe aktor. Mbase kur të forcohet kjo lidhje e dashurisë, Eminen mund ta shohim edhe në pasarelat iraniane, atje ku moda dhe sfilatat veç këtë vit kanë filluar të praktikohen pasi, sipas religjionit islam, në atë vend sfilimi i modeleve është i ndaluar. E kontaktuar nga gazeta disa herë që të na tregojë të vërtetën mbi këtë lidhje, Emina nuk ishte e gatshme të fliste, por as nuk e mohoi lajmin.

PanoramaPlus

Modelja Emina Cunmulaj, ka pozuar për koleksionin e ri te veshjeve të kompanisë “Talbots” e cila, është një kompani e njohur në Amerikë.

Më poshtë po ju sjellim disa foto, jo vetëm për të admiruar Eminën, por dhe për të përzgjedhur diçka për garderobën tuaj të vjeshtë/dimrit. Albaniac

“Në këto 10 vite karrierë, kam kuptuar se veç punës duhet edhe pak fat, natyrisht edhe zemër. Duhet të them se modelimi është më i vështirë sesa e kisha menduar”.

Kështu e ka përshkruar suksesin e punës së saj modelja më e famshme shqiptare Emina Çunmulaj, e cila duket se i është futur edhe aktrimit, pasi ka interpretuar në një rol filmik së fundmi. “S’e di a do të bëhem dot aktore, por kam bërë një rol për një film të shkurtër.

Është një gjë që shoh se ka të ardhme, mund të bëhet diçka më e madhe në të ardhmen”, – është shprehur supermodelja, e cila këto kohë po udhëton në viset shqiptare për të gjetur një “Emina të dytë” që do të mund të bëhet top-modele nën udhëheqjen e saj.

“Kam ardhur në Kosovë, Mal të Zi, për të gjetur një Emina të dytë. Po mundohem të gjej një vajzë shqiptare, që të përfaqësojë Shqipërinë, Kosovën, Malin e Zi, Maqedoninë. Deri tani e kam gjetur një vajzë malazeze në shkollën e mesme të Tuzit në Mal të Zi. Shpresoj të gjej një shqiptare tanimë”, – ka treguar Çunmulaj.

Gazeta Standard

Emina Cunmulaj tashmë duket se i është drejtuar kinematografisë. Modelja shqiptare, ka interpretuar në filmin “Virgin Eyes” një prodhimi AFI me regji të Ferdinand D Ramml dhe skenar të Roxine Helberg.

Filmi tregon për një vajzë 17 vjeçare me emrin Andrea, e cila gjatë pushimeve të mrekullueshme, mëson se jeta e saj kaq perfekte në dukje nuk është e tillë, pasi babai të cilin e adhuronte dhe i kishte siguruar gjithçka të bukur në jetë, është një drogaxhi. Ky realitet që thyen utopinë e Andreas, e vendos atë në një pikëzgjidhjeje, se çfarë dëshrion të bëj me të ardhmen e saj.  Revista Albaniac

Fotoja që ju kemi sjellë është dhe posteri zyrtar i filmit.

Pas vetes ka një martesë të dështuar, por para vetes ka një karrierë që ia ka lakmi çdo vajzë që synon t’i futet modelimit. Po të pyesësh vajzat e reja që duan të merren me modelim se  cili është idhulli i tyre prej supermodeleve shqiptare, pa dyshim që thuhet emri i shqiptares së famshme nga Mali i Zi, Emina Cunmulaj. Ajo përsëri është e dashuruar, por këtë radhë dëshiron ta mbajë për vete lidhjen, dhe personi me të cilin ka krijuar një marrdhënie të re nuk është shumë i njohur për publikun shqiptar.

Pasi Emina në martesën e dështuar ishte e lidhur po ashtu me një fotomodel, gjë që ia vështirësonte zhvillimin normal të jetës, duke e ditur që të dy ishin të famshëm.

Por këto gjëra nuk e merakosin aspak bukuroshen e famshme shqiptare, që nuk njeh tabu në asnjë pikë. Pozon topless, pozon nudo, në bikini, e veshur madje edhe me veshje kombëtare në shumë raste. Këtë detyrë kanë modelet, do të kishte thënë dikush që e njeh mirë këtë fushë, edhe pse tek ne ka shumë kritikë dhe shumë gjëra janë ende tabu.
bl. re PanoramaPlus

Modelja më e suksesshme shqiptare në Shtetet e Bashkuara të Amerikës, Emina Cunmulaj, pak muaj më parë vizitoi Shqipërinë për të bërë një set fotografik, me veshje tradicionale shqiptare dhe vende historike. Set që u shoqërua edhe me një zhurmë mediatike, për vetë famën që tashmë bukuroshja ka.

Sot ju sjellim një foto të modeles, e cila shfaqet në një jaht luksoz gjatë pushimeve të saj. E veshur me një fustan lino të bardhë, Emina shfaqet e vetme në foto, ndërsa nuk dimë nëse shoqëruesi i saj ka qenë një mik i ngushtë i saj, apo jo. Gjithsesi, vetë Emina ka pohuar pak kohë më parë se në jetën e saj është dikush. Siç edhe dihet, ajo ka hedhur pas krahëve një martesë që ka bërë në moshë shumë të re.  Mapo

E mahnitshmja Emina Cunmulaj, së bashku me disa modele të tjera të njohura shqiptare,vizituan Shqipërinë për të realizuar reklamat më të fundit të firmës Sherri Hill.

Sesionet fotografike u zhvilluan në disa prej zonave turistike më të bukura të Shqipërisë . Ky sesion fotografik u ideua dhe u realizua nga fotografi Fadil Berisha.

http://www.youtube.com/watch?v=3oZitjhbdhc

Për momentin, Emine Cunmulaj është modelja shqiptare më e njohur në botë, që ka pozuar në kopertinat e revistave prestigjioze, si “Vogue”, “Elle”, “Fashion”, “Marie Claire” etj. E divorcuar, 26-vjeçare, ajo jeton në SHBA, ndërsa sfilon kryesisht në pasarelat e Nju-Jorkut, Parisit, Londrës dhe Milanos, Emina, ku ka ekspozuar ndër vite veshjet e firmave “Versace”, “Dolce & Gabana”, “Fendi” etj.

Së fundmi, gjatë muajit të kaluar, ajo ka qenë edhe në Shqipëri. Në mënyrë shumë private, por që nuk ka arritur dot ta mbajë sekrete. Për më tepër që e ka tradhtuar një foto ku ajo me një fustan shumë seksi dhe pamje joshëse pozon para disa djemve të veshur me kostume popullore shqiptare. Një ndërthurje e traditës me modernen, ideja e së cilës mësohet se i ka ardhur gjatë shëtitjeve të saj në qytetet shqiptare, si Berat, Vlorë, Tiranë etj.

Megjithatë, Emina nuk ka arritur të qëndrojë dot gjatë në Shqipëri, pasi, përveç sfilatave, i ka hyrë një tjetër aventure të bukur artistike, siç është kinemaja. Mësohet se asaj i është ofruar një rol në filmin “Virgin eyes”, angazhim të cilin ajo tashmë e konfirmon dhe thotë që e ka pranuar me shumë kënaqësi. Fundja, ajo tashmë është një femër e lirë, krejt e fokusuar në karrierë, pas një martese fillimisht të lumtur, siç e thekson ajo.

“Jam martuar shumë e re. Nuk e fajësoj karrierën për problemet në jetën martesore”, përgjigjet Emina, ndërsa shton se lidhjet me Shqipërinë do të vijnë duke u forcuar, pasi po reklamon edhe xhinset e një firme shqiptare. Ah, kur përmendet epiteti “shqiptar”, ajo është zemërgjerë… Të gjithë reklamën për xhinset shqiptare po e bën pa para. Dhe diçka e orës së fundit: Sapo mësuam se Emina ka një dashuri të re në horizont… Kaq për sot!

ELISABETA ILNICA

Që Emina është modelja më e njohur shqiptare në botë, kjo është e qartë për të gjithë ne. Ajo ka pozuar për një sërë revistash botërore, si në prestigjiozen “Elite”, “Vogue”, “Marie Claire”, “Elite” etj., si dhe ka sfiluar anë e mbanë globit për emrat që bëjnë modën, si Versace, Armani, Gucci, Valentino, Yves Saint Laurent etj. Vetëm pak ditë më parë, së bashku me dy modele të tjera të njohura ajo ka pushtuar kopertinën e “Vogue Italia”, ndërsa në brendësi të revistës shoqërohej me një set fotografik shumë seksi. Megjithatë, 26-vjeçarja Çunmulaj, pavarësisht suksesit të madh në fushën e modës, duket se ka ambicie të prekë edhe botën e aktrimit, pse jo edhe Hollywood-in.

Bukuroshja me tipare mesdhetare, me origjinë nga Ulqini i Malit të Zi, këto ditë është duke xhiruar për filmin ku do të marrë pjesë për herë të parë, “Virgin Eyes”. Se për çfarë roli bëhet fjalë, ne ende nuk e dimë me saktësi, por modelja që shquhet mbi të gjitha për flokët e bukur dhe këmbët e gjata, do të na bëjë të ditura të tjera detaje në ditët në vijim. Mezi presim të shohim performancën e saj të parë si aktore.

Ndërkohë, edhe pse Emina ka pasur shansin të fotografohet anë e mbanë botës nga profesionistët më të shkëlqyer të kësaj fushe, a e dini se kush është i preferuari i saj?! Është pikërisht fotografi shqiptar Fadil Berisha, i mirënjohur për fotosesionet e mrekullueshme që u bën personazheve të famshëm. Vetë Emina është shprehur se ai është fotografi më i mirë dhe i preferuari i saj, pasi siç mund ta mendojmë, ai e ka ndihmuar modelen shqiptare në hapat e parë të karrierës së saj. Edhe sot që ajo është në majë, nuk harron ta përmend emrin e tij dhe të pozojë me dashamirësi sa herë që i jepet mundësia ta takojë.

Gazeta Standard