Këto ditë këngëtari Adrian Gaxha është duke xhiruar klipin e ri për këngën me titull “Chat-Komunikoj”, të cilën do ta lançojë në versionin maqedonas. Klipi është duke u xhiruar në disa lokacione në qytetin e Shkupit, ndërsa një pjesë e madhe është edhe xhirim në studio. Për herë të parë në klip është përdorur kamera e fortë dhe 3D, si dhe efekte vizuale. Si statist në klip paraqiten shumë fytyra publike maqedonase, si balerina, modele dhe aktore. Siç tregon vet këngëtari, bëhet fjalë për diçka moderne, kur janë në pyetje klipet. Si protagoniste kryesore në klip paraqiten modelet Vale Graorkovska dhe Liljana Ilievska, ndërsa trupi i tyre nga koka deri te këmbët është i ngjyrosur në formë të tigrit. Klipi është duke u punuar nën regji të Xhulianit, ndërsa fabula e këngës është një storie romantike për një vajzë, të cilën këngëtari e takon rastësisht në supermarket, nga ky impresion këngëtari shtanget ndërsa për një kohë të shkurtë vajza zhduket. Klipi pritet të jetë gati nga fundi i muajit, pastaj këngëtari do të bëjë një promovim të tij. Për gjithë këtë projekt të ri, Adriani ka harxhuar tepër për të fituar atë që dëshiron. Vetëm për ngjyrosjen e trupit të vajzave statiste është paguar nga 100 deri në 250 euro, duke llogaritur që në klip paraqiten disa bukuroshe. Panorama PLUS
Adrian Gaxha dhe Violeta Raleva ndërprenë lidhjen një javë përpara se vajza shkupiane të hyjë në shoun “Vëllai i madh”, i cili emetohet në Serbi. Shqiptari që ka qenë i dashuri i Violeta Ralevës, për të cilin shkruajnë mediat serbe është pikërisht këngëtari i mirënjohur Adrian Gaxha.
Para disa ditëve mediat serbe botuan disa fotografi në të cilat përfaqësuesja e Maqedonisë në këtë show mbante një kapele tipike tradicionale shqiptare (foto që po e publikojmë edhe ne). Ky set me këto fotografi ka bërë bujë të madhe nëpër mediat sllave duke u vënë në pikëpyetje nëse Violeta Raleva – Viki, mund të fitojë këtë show?
Adrian Gaxha është ndare nga dashuria e tij e zgjarrte me velinen brune te Fiks Fare.Ka qenë një dashuri qe e ka sjell shumë shpesh ne Tiranë simpatikun nga Shkupi, i cili tashmë do të duket me rrallë nga këto anë.
Gazeta Tema
Tashmë kanë kaluar disa ditë nga zgjedhja e këngëtarit të talentuar Adrian Gaxha si përfaqësues i Maqedonisë në Evrovizion, por emocionet janë akoma të freskëta për të.
“Jo vetëm se është hera e parë në historinë e këtij shtetit që përfaqësohet në një kompeticion kaq të rëndësishëm nga një shqiptar, por edhe për vetë faktin se u ndjeva i përkrahur nga të gjitha pakicat që jetojnë në Maqedoni,” shton Gaxha. Kënga i përket rrymës pop, ka ritëm dhe vlera artistike. Ai thotë se së bashku me dy miqtë e tij, këngëtaren Tamara dhe repin Vrcaku, janë duke e incizuar këngën në versionin anglisht, version me të cilën do të përfaqësohen më 20 maj në Beograd. Gjithashtu, janë në momentet e fundit të skicimit të kripit realizues. Kohët e fundit Gaxha është përfolur shumë edhe për lidhjen me një velinë këtu në Tiranë. Këto dhe shumë detaje rreth jetës së tij artistike dhe private do mund t’i lexoni në këtë intervistë ekskluzive, dhënë për revistën “Spektër”.
Kengetari shqiptar do te perfaqesoje Maqedonine me nje kenge te kenduar sllavisht
Ka mbaruar finalja e Festivalit të Shkupit dhe trioja Tamara Vrcak dhe Adrian Gaxha janë shpallur fitues të këtij festivali me këngën “Vo ime na Ljubovta”, duke marrë një total prej 24 pikësh. Duket se këtë herë suksesi i ka prirë Tamarës dhe Adrianit, të cilët kanë konkurruar edhe më parë në këtë festival, por kanë arritur të kualifikohen në vend të dytë (Tamara në 2007 dhe Adriani në 2006). Ndërkohë, Gaxha dhe Vrcak nuk janë të huaj për njëri-tjetrin, pasi një prej hiteve të vitit të shkuar në Maqedoni, “Magjia”, ishte një bashkëpunim i dy artistëve. Fatkeqësisht dhe çuditërisht, një prej pretendentëve kryesorë, Tuna, u rendit në vendin e shtatë, gjë që habiti jo vetëm fansat e këngëtares.
Ka vendosur të rikthehet pas një periudhe pauze dhe një mungese të gjatë në skenën shqiptare Adrian Gaxha. Sërish me një baladë të titulluar “Vetveten e mashtroj”, por kësaj here fabula e këngës së re duket se ka një emër real, që gjallon çdo ditë e më shumë në zemrën e Gaxhës.
Pikërisht kjo është arsyeja nga lindi ideja e këngës së re që sapo është lançuar, edhe pse nuk ka një videoklip. Kësisoj, këngëtari maqedonas na sjell një krijim muzikor njëqind për qind real. Një gjë të tillë e pohon vetë Gaxha në një prononcim për gazetën “Korrieri”. “Kam pak kohë që simpatizoj një vajzë nga Tirana, e cila nuk është e njohur, por mua më pëlqen. Prej këtej më lindi ideja që të shkruaja baladën të cilën,sapo e kam promovuar”.
