Nje fans i zjarrte i kengetares Adelina Ismajli, eshte bere objekt i nje ceshtje serioze ne FB, pasi ka kercenuar me vetevrasje nese nuk takohet me idhullin e tij, e cila per momentin ndodhet ne Zvicer.

Ka reaguar menjeher pas deklarates se tij “Bombe” zedhenesja zyrtare e saj, Rudina Idrizaj, duke tentuar te neutralizoj te riun, i cili me sa duket eshte ne depresion. Kushdo qe njeh familjen e Granit Behramit, ju lusim te kontaktoni menjeher. Jeta e dikujt eshte ne rrezik dhe cdo kercenim per vetvrasje duhet marre seriozisht.

Graniti eshte fans i Adelines dhe ka disa dite qe kercenon me vetvrasje nese nuk e takon Adelinen, shkruan gazeta Standard. Ne nuk kemi mundesi qe menjeher sot te bejme te mundur takimin, ndaj ju lusim te na ndihmoni lidhur me Granitin. Granit te lutem mos ndermerr asgje, do te mundesojme takimin me Adelinen, vetem prit, thote zedhenesja e Adelines.

Motrat Adelina e Zanfina Ismaili pas bashkëpunimit mjaftë të suksesshëm të tyre të titulluar “Dy motra e një frajer” bashkëpunim ky i realizuar vite më parë më në fund kanë vendosur që tek simpatizuesit tyre të sjellin edhe bashkëpunimin e dytë.

Këtë gjë e konfirmoi vet këngëtarja Adelina Ismaili në emisionin “Express” të KTV-së. Diva Shqiptare,Adelina Ismaili nuk deshi të zbuloj rreth bashkëpunimit veçse ende janë tek baza e tij.
Adelina shtoi gjithashtu se po “ja ngreh grrepin” edhe Zanfinës që ta fusë edhe atë në tregun Europian,jo se dëshiron Adelina ose Zanfina,por ja kërkuan këtë gjë. /Grazzi/

Ka preferuar që të flasë hapur dhe pa asnjë ekuivok në një program televiziv në Kosovë, duke pohuar me gojën e saj disa të vërteta tronditëse. Adelina Ismajli është këngëtarja për të cilën flitet gjithmonë, edhe kur nuk sjell diçka të re në muzikë. Madje, lajmet jashtë muzikës mbi të shpesh kanë qenë edhe më atraktive. Ja çfarë deklaron ajo në këtë emision.

Ti je një rugoviste e deklaruar, pse ke qenë kaq e zjarrtë në këtë aspekt?
Kam mësuar shumë nga Ibrahim Rugova, por vetëm diçka nuk e mësova dot prej tij,  gjuhën e paqes. Kam folur shpesh në mënyrë primitive për t’u kuptuar. Gjuha e dhunës është e përdorur më së shumti te ne. Nëse dikush nuk di vetëm këtë gjuhë, unë nuk mund të kaloj gjithë jetën time duke i shpjeguar atij që ti nuk e ke mirë. Prandaj, e kam shprehur edhe në këngë se unë si rugoviste di me kthy faqen tjetër, kështu që mos  më detyroni. Faktikisht më kanë detyruar.
Kaq e apasionuar mbas LDK-së, a do të përfshihesh në politikë?
Nuk mendoj se do futem ndonjëherë në politikë, LDK më ka tërhequr thjesht si ideologji. Politika është lavirja më e madhe dhe gjithmonë kthehet kundër atij që është lart. Jemi dëshmitarë se çfarë po ndodh kohëve të fundit, njerëz që kemi menduar se janë të palëkundur, po lëkunden dhe shumë shpejt.
Për gjuhën tënde të drejtpërdrejtë ti ke paguar edhe një farë kostoje, madje ke pasur edhe alarme për bomba në koncertët e tua. Na trego diçka më shumë.
Mund të them se ato kanë qenë gjëja më e vogël që më ka ndodhur. Dhe ka pasur tri arsye: e para se unë dola hapur dhe me një farë agresiviteti duke thënë se jam rugoviane, e dyta se popullariteti im u rrit aq shumë, sa edhe unë vetë nuk po e përballoja dot; Dhe e treta, nëse shkruan në një titull gazete që Adelinës iu vu bombë në koncert, askush nuk do lexojë në atë gazetë se shteti ka vjedhur 70 milionë euro tender, pra tërhiqet vemendja nga problemet e vërteta. Dhe ky nuk është mendimi im, por ma kanë thënë njerëz që merren me mediat. Pra, mediat më kanë përdorur për të mbuluar lajme të tjera. Të jesh femër e fuqishme në Kosovë është e pakonceptueshme, nuk mund të jesh edhe e talentuar, edhe e bukur, edhe e mençur, prandaj duhen shpikur teori konspirative. Nëse kam pasur presione prej politikanëve, atëherë kam patur trefish prej kolegëve, të cilët kanë shfrytëzuar rastin. Më pas, këto presione janë ndërthurur me njëri-tjetrin, sa edhe sot nuk jam e qartë se si ka funksionuar.
Na rrëfe një rast.
Po shkoja në një koncert rreth pesë vite më parë dhe më erdhi një SMS nga një numër i verifikueshëm, më tha mos shko se do pëndohesh. Më pas kur e verifikuam, ishte numri i një këngëtareje e lidhur me pushtetin. Dhe ne gjetëm më pas të vendosur eksploziv tek vendi i koncertit. Nuk më ka pëlqyer të flas për këto gjëra që të mos bëj viktimën, por ka shumë si këto raste. Jam e bindur se gjithçka do dalë, madje kanë filluar të dalin. I keni dhe në youtube se kush ka qenë dashnore e kujt, kur jam akuzuar unë, po hapen dosjet, kështu që tani marr guxim të flas se gjërat po dalin. Por mund të them se gjithkush në rastin tim do ishte dorëzuar. Unë, falë Zotit, nuk e kam bërë. Kam edhe fatin e madh që Vali i merr me sportivitet të gjitha këto situata dhe kjo më ka ndihmuar shumë.

PanoramaPlus

Këngëtarja më e njohur kosovare e viteve të fundit, Adelina Ismajli ka rrëfyer jetën e saj në emisionin Rubikon të KTV-së. Fillimisht, ajo ka folur për të dashurin e ri Valin, duke thënë se dëshiron ta mbajë personale lidhjen e larg publikut, por prapë ka folur për të.

“Unë nuk flej me xhirollogarinë e të dashurit tim, por me centimetrat e tij”, ka thënë Adelina.

E pyetur për lidhjen me Enver Sekiraqën e Triumf Rizën, ajo ka mohuar se është bërë shkak ndonjëherë për përleshjet midis tyre.

Madje, për Sekiraqën ka thënë se janë të tjera këngëtare që e njohin shumë më mirë se ajo.
Adelina i është kthyer edhe rrahjes me Leonora Jakupin, duke thënë se nuk pajtohet asnjëherë me të, për shkak se ajo e ka shfrytëzuar këtë rast edhe më vonë për ta sulmuar e për të popullarizuar veten. Këngëtarja e shumë hiteve ka thënë se vazhdon të mbetet Rugoviste, por nuk do të thotë se është akoma me LDK-në.

Po ashtu Adelina gjatë emisionit ka thënë se do të jetë një nënë e mirë për deri sa fëmijët e vet do të rriten në Zvicër. Ajo ka treguar se vjehrri e vjehrra e saj janë profesor të Gjuhës Frenge përkatësisht Gjuhës Shipe. /Telegrafi/

Është ky shqetësimi i ngritur së fundmi në qarqet e estradës shqiptare, pasi këngëtarët e shumtë që së fundmi po arrijnë në miliona klikime pa ndonjë problem të madh kanë lënë vend për dyshime.

Është promoteri i njohur i koncerteve dhe njeriu që njeh mirë zhvillimet rreth estradës, Nexhat Morina, ai që në profilin e tij në Facebook, ka pohuar se estrada paguan hakerë nga Azia për të shtuar shikimet nëpër videot e tyre në YouTube.

“Lajm i mirë: Estrada dhe shumë yje të Kosovës u paguajnë shuma të mëdha parash hakerëve të Azisë që të kenë klikime në YouTube”, ka shkruar Morina në Facebook.

Nuk është hera e parë që po ngriten shqetësime të tilla. Edhe në të kaluarën vet artistët akuzonin njëri-tjetrin për shtim të klikimeve në mënyrë ilegale. /Telegrafi/

Organizatoret ftojne: ‘’Nora Istrefin, Big Mamen, Yllka Gashin, Blerim Destanin, Bleona Qeretin, Ermal Fejzullaun, Adrian Gaxhen, Adelina Tahirin”.

Oni Pustina dhe Enver Petrovci jane dy fituesit e dy edicioneve te kaluara te spektaklit ‘’Dancing with the stars Albania’’ qe trasmetimin e ka pasur ne ‘’Vision plus’’. Tashme organizatoret e ketij spektakli po pergaditen per rradhen e trete te edicionit qe pritet te filloje se shpejti. Sikurse edhe heret e kaluara, edhe per kete edicion ofertat ndaj fytyrave publike kane arritur, ndersa ne zbulojme disa nga pretendentet per te cilet thuhet se mund te jene ne garen e madhe te kercimit.

Edhe kete edicion mes te konkurenteve do te kete kengetare shume te njohur te cilet edhe pse disponojme informacione se do te jene pjese e spektaklit per shkak se nuk kane mare konfirmimin perfundimtare nuk deshirojne te japin detaje.
Nga hulumtimet te cilat i kemi bere, gjithmone bazuar ne informacione te sakta mesojme se organizatoret e ketij spektakli kane derguar ofertat ne adrese te ketyre artisteve.

Ne Maqedoni, ata kane zgjedhur kater protagoniste, aktorin e njohur Blerim Destani si dhe kengetaret Adrian Gaxha, Big Mama si dhe Adelina Tahiri.

Ne Kosove oferta ka arritur ne adrese te kengetareve Nora Istrefi dhe Ermal Fejzullahu, kurse gjithashtu nje oferte i eshte bere dhe aktores se njohur Yllka Gashi.

Akoma nuk eshte konfirmuar lista perfundimtare sepse nuk jane bere te ditur emrat nga Shqiperia qe do te konkurojne ne kete edicion te Dancing eith the stars, pasi ne dy edicionet e kaluara kane konkuruar shume emra te njohur pritet qe edhe ne kete edicion te kete kengetare te njohur, aktore dhe fytyra te tjera publike.

Flitet me te madhe se edhe kengetarja Bleona Qereti ka mare nje oferte per te qene pjese e kercimit por akoma nuk eshte konfirmuar as nga kengetarja e as nga organizatoret. Deri ne vendimin perfundimtare,

PJESMARRESIT E DY EDICIONEVE TE KALUARA!

Rovena, Soni Malaj, Julian Deda, Eli Fara dhe Oni Pustina ishin pjesmarresit e edicionit te pare nga Shqiperia, ndersa kengetarja e njohur Genta Ismajli ishte e vetmja konkurente nga Kosova e cila arriti deri ne finale por nuk fitoi.

Cmimin e pare e rrembeu Oni Pustina. Ne edicionin e dyte konkurente ishin: Arian Konomi, Big Basta, Mimoza Ahmeti, Ciljeta Xhilaga Eloise le Petit, Hervin Culi, Olsi Mingomataj, Olta Gixhari, ndersa konkurente nga Maqedonia ishte kengetari Shpat Kasapi, kurse nga Kosova ishin kengetarja Vesa Luma, missi Agnesa Vuthaj si dhe aktori Enver Petrovci i cili edhe fitoi cmimin e pare ne kercim.

Edhe pse janë parë bashkë në xhirimet e Vitit të Ri në televizionin Alsat të Maqedonisë, ku Jellmazi është edhe redaktor i programit artistik, dyshimet në opinion kanë lindur menjëherë që ata mund të jenë më shumë se miq.

Mirëpo Jellmazi i cili njëherësh është edhe koreograf dhe menaxher i Tunës, kategorikisht këtë e mohon duke thënë se në mes tyre nuk ka asgjë më shumë se shoqëri.

“Secilën femër që e ke afër, apo vallëzon me të, menjëherë do të thonë se ka diçka mes tyre. I njëjti rast ka ndodhur edhe me Adelina Tahirin të cilën e kam shoqe të kamotshme dhe në xhirimet e programeve të Vitit të Ri kemi qëndruar bashkë dhe kemi lozur sikur miq. Por ja që perceptimet e njerëzve janë të ndryshme dhe menjëherë ka lindur dyshimi. Por ju them realitetin se as në të ardhmen me Adelinën nuk mund të kem një lidhje, sepse kemi miqësi të afërt dhe nuk mund të ndodhë të dashurohem në të, sepse po të kishte energji të tillë kjo do të ndodhte që herët, kur jemi njohur, jo tani kur jemi kaq miq të afërt”, ka thënë ai për “Zërin”.

Jellmazi pohon se shumë shpesh mund të bëhen spekulime të pabaza, andaj edhe kjo është njëra nga spekulimet e tilla. Ai në fund shtoi se tani për tani nuk ka në krahë asnjë vajzë dhe në të ardhmen shpreson ta gjejë dashurinë e tij reale.

Pop ylli kosovar, Adelina Ismaili ka thyer heshtjen pas më shumë se dy vitesh.

Ajo ka pranuar se është në lidhje me menaxherin e saj, Valin.

 “Jam në lidhje. Edhe pse për mua fjala lidhje është poshtëruese. Por mund të them se jam në dashni”, ka thënë Adelina, për emisionin “Prive” në Klan Kosova.
Por ajo nuk ka treguar kohën që kur është në këtë lidhje.

“Punë për mua”, ka thënë ajo. Duke folur për jetën e saj private, Adelina Ismaili ka thënë se gjithçka mes saj dhe Valit kishte nisur kur ajo kishte marrë atë si menaxher. Megjithatë ajo ka pranuar se ka thyer akullin, duke i thënë ajo e para se dëshiron diçka më shumë sesa menaxher.

” E kam thyer akullin. Zakonisht nuk e kam bërë këtë mirëpo në këtë rast kam qenë komplet tjetër njeri, sepse e kam takuar njeriun sikur Valin i cili është shumë i mbyllur në këtë aspekt”, ka thënë Adelina. Madje ajo njëherë kishte besuar se mes tyre ka telepati, porse me kalimin e kohës e ka kuptuar se gjithçka mes tyre është dashuria.

Por kjo nuk është e tëra. Adelina Ismaili ka pranuar se e sheh vetën duke krijuar familje.
”Koha është definitivisht. Po e ndjej nevojën për të krijuar familje. Jetës nuk i dihet por e ndjej që kam nevojë ta mbyll aventurën që e kam nisur duke krijuar familje”, ka thënë Adelina.

E nëse mendoni se Adelina do ta lërë stilin e saj të jetuarit, harrojeni.

“Adelina nuk ndryshon. Do të bëhem nënë por ende do të vazhdoj të dalë natën dhe të këndoj”, ka thënë ajo.

Për fund, Adelina ka zbuluar edhe një dëshirë të sajën, kur ka folur për atë se ku e sheh vetën pas 5 vitesh.

”Pas pesë vitesh e shoh vetën si pedagoge të pianos dhe me fëmijë sigurisht”, ka thënë Adelina.

Videon e plotë e gjeni këtu: http://www.klankosova.tv/index.php/argetim/prive.html  (Klan Kosova/Prive/

Atje ku shkojnë vetëm të pasurit, një zonë e populluar nga vila dhe hotele luksoze. Është ky vendi i quajtur Small World, vend turistik ku pushimet dimërore i kalojnë vetëm të pasurit dhe personat më të famshëm që kanë pasuri në këtë vend. Small World gjendet në malet e Zvicrës dhe është një atraksion i paparë.

Për këtë vit, në një nga hotelet më të njohura atje, ‘’Bellevue’’, është hapur sezoni turistik dimëror, ku janë të ftuar shumë fytyra të njohura nga mbarë shteti zviceran, përfshirë këtu Kerstin Cook dhe Luca Ruch (Miss & Mister Zvicra 2011), aktori francez Gerard Depardieu, ndërsa ajo që na bëri përshtypje më shumë neve, ishte pjesëmarrja e këngëtares së njohur kosovare Adelina Ismajli, e cila ishte e ftuar speciale të performonte atë natë për të pranishmit.

I gjithë ky sukses i Adelinës që të shfaqet para audiencës së njohur dhe miliarderëve, vjen falë punës së madhe që po realizon menaxheri i këngëtares. Për Adelinën, ky është një tjetër sukses pas lançimit të klipit ‘’I love you more’’, e cila tashmë po bën xhiron nëpër televizionet muzikore në shumë shtete të Europës e Afrikës, ndërsa flitet se tashmë po transmetohet edhe në Kanada. Këtë vit, këngëtarja pritet të nxjerrë edhe albumin e ri, i cili do të ketë këngë në disa gjuhë të botës, përfshirë edhe atë shqipe, por albumi do t’i dedikohet kryesisht tregut të huaj.

PanoramaPlus

I ka kushtuar vetes disa ditë pushimi dhe në fakt i ka realizuar në mënyrën më të mirë të mundshme. Mes miqve, në një prej zonave malore, këngëtarja Adelina Tahiri ka shkuar për ski.

Orë të bukura dhe të papërsëritshme në një shoqëri të mirë ndërkohë që nuk ka harruar të marrë me vete edhe veshjen enkas për ski.

Adelina është shkëputur për disa ditë nga e përditshmja me plot angazhime dhe i është drejtuar relaksit, në një ‘aventurë’ dimërore mes borës me të cilën nuk ka nguruar edhe të luajë.

Marrëdhënia mes personazheve të famshëm dhe gazetarëve

Le të themi që nuk është mbizotëruar nga dashuria marrëdhënia mes kronikanëve rozë dhe personazheve publikë.

Këta të fundit ushqehen nga reklama që u bëhet në faqet e shtypit të shkruar, por dihet që kur tejkalohet doza rrezikohet mbipesha dhe përshtypjet nuk kanë qenë nga më të mirat.

“Është një detyrim moral për të qenë pjesë e medias dhe për të dhënë informacion, por jeta private na përket vetëm ne”, është shprehur Bertina, ish-pjesëmarrëse në Big Brother, kur ka qenë e ftuar në studion e emisionit ‘Pasdite në Top Channel’.

Ndërsa modelja Enxhi Kamenica ka theksuar: “Nuk më pëlqen të jem protagoniste në faqet e para të gazetave, por duket sikur gazetat e kanë të pamundur të shesin pa mua. Ndodh shpesh që gazetarët i ekzagjerojnë gjërat dhe trillojnë pa marrë parasysh pasojat.”

TCH

http://www.youtube.com/watch?v=dxlg3MAoOjU&feature=player_embedded

Vajza nga Shkupi, një nga këngëtaret më të komentuara për vitin që lamë pas, Adelina Tahiri, ka diçka që e pëlqen dhe vetëm në programin e Labit në 21 e ka treguar. Adelinës i pëlqen të kishte lindur djalë. Ajo ia bën këtë pyetje vetes, pasi meqë është femër duhet të kujdeset më shumë për flokët, për veshjet.

Por, në fakt, kuptojnë se ajo nuk e do veten si femër në bazë të kësaj, por muzikën. Edhe nëse do të ishte mashkull do të këndonte.

Adelina simpatike ndoshta për momentin ka harruar se edhe kolegët e saj, meshkujt, kujdesen për flokët, për veshjen, siç në fakt ranë në sy edhe këtë vit, në këtë program festiv. M. GJ Kosova Sot

Sa fituan këngëtarët që kënduan natën e ndërrimit te viteve. Ketë temë e kishte “Prive” në Klan Kosova dhe sipas tyre ishte Sinan Vllasaliu qe ishte me i paguari me 15000 euro për 4 orë këndim në “Golden” Prishtinë, pas ti vjen Labi me 12 000 euro po në të njëjtin restorant, Adelina Ismaili me 10 000 ne diasporë, Xeni me 8 000 etj.

Këto janë shifra marramendëse që përfiton estrada shqiptare nëpër ngjarjet dhe organizime të tilla për shënimin e festave dhe ahengjet e mbrëmjet e organizuar nëpër restorantet dhe diskotekat jashtë vendit. (INA)

Ajo ka kënduar “Ushtrinë time do ta bëj me Ibrahim Rugovën”, në një kohë kur pavarësia e Kosovës dukej një ëndërr e largët. Ajo ka deklaruar gjatë pjesëmarrjes të saj në konkursin e bukurisë “Miss Bota”: “Unë vij nga Republika e Kosovës së Shqipërisë”, në një kohë kur asnjë kosovar nuk guxonte të shprehte mendime të tilla me zë të lartë.

Ajo quhet Adelina Ismajli, këngëtarja e cila i ka shpallur luftë regjimit serb atëherë kur vetëm një grusht burrash guxonin ta bënin një gjë të tillë. Nuk ka pasur frikë as nga kërcënimet e nuk e kanë mposhtur fatkeqësitë që ka kaluar në jetë, por si çdo njeri edhe ajo e ka një pikë të dobët; një njeri të cilit i trembet më shumë se çdokujt tjetër në botë.

Dhe ky njeri quhet Mona Ismaili, nëna e saj e cila edhe sot e kësaj dite ka një ndikim të jashtëzakonshëm në jetën e së bijës. Këtë gjë, Adelina e rrëfen sinqerisht thuajse në të gjitha bisedat me gazetarë te ndryshem.

Bluetooth