Luana Vjollca, bukuroshja e cila tashmë është rikthyer në krahët e këngëtarit Adrian Gaxha, këto ditë po bën pushimet 
verore për t’u mbushur me energji pozitive siç bëjnë gjithë të tjerët. Përkundër atyre që plazhin e bëjnë në shoqëri të më të dashurve, Luana këtë rradhë në krah nuk ka Adrianin, por mikeshat e saj. Arsye pse çifti momentalisht nuk mund të kalojnë pushimet së bashku është se Adriani ka të prenotuara shumë koncerte gjithandej vendeve bregdetare si dhe në shumë qytete të Maqedonisë kurse Luana është e lirë në këtë drejtim, kështu që shijon rrezet e diellit me mikeshat. Para se të fillojë sezoni i koncerteve Luana ishte mysafire e Adrianit në Shkup, dhe kjo vizitë është bërë me qëllim pasi për kohën sa do zgjasin koncertet çifti nuk mund të takohen, kurse për më vonë ndoshta dhe do kalojnë pushime të tjera së bashku. Panorama
