Fituesi i “Big Brother 1”, Arbër Çepani duket se po kalon një moment vërtet ndryshe në jetën e tij sentimentale. Është pikërisht vajza brune nga Durrësi, e quajtur Eda Cani që mesa duket e ka bërë Arbrin të ndihet i sigurt dhe që më në fund t’u japë vërtet fund aventuarve të tij me vajzat.
Arbri dhe Eda u fotografuan për herë të parë të dy në ceremoninë e martesës së motrës së tij, Edlira me Gert Bogdanin më shumë se një muaj më parë. Fakti që Arbri e kishte marrë Edën me vete në këtë ceremoni familjare do të thotë shumë për seriozitetin e lidhjes së tyre. Më pas ata janë parë gjithmonë bashkë në Tiranë, plazhe dhe gjithndej. Madje Arbri pas ndarjes nga e dashura italiane Madalena, pavarësisht disa lidhjeve që ka pasur më vonë, për here të parë e ka bërë publike në Facebook lidhjen e tij me vajzën shumë simpatike brune, Eda.
Ata gjithashtu kanë kaluar pushimet bashkë dhe me këtë rast kanë realizuar disa foto romantike në det, që po i publikojmë për të ilustruar këtë shkrim. Nuk dihet se sa do të zgjasë kjo lidhje, por si fillim duket nga ato historitë pasionante dhe që u ka dhënë të dyve siguri tek njëri-tjetri. Panorama
